Shiroka është një fshat i njohur në anë të Liqenit të Shkodrës. Ai ndodhet vetëm 3 km nga Ura e Bunes dhe 5 km nga qendra e Shkodrës. Përgjatë udhëtimit do të keni mundësi të shihni peshkatarët e shumtë dhe disa lokale që janë ngritur kohët e fundit do t’u ofrojnë produkte vendase shumë të shijshme. Shiroka ofron plazhe të panumërt dhe shërbime shumë cilësore për të gjithë pushuesit.

Nëse vendosni të kaloni një natë në qetësinë e liqenit, mos ngurroni. Në të njëjtën rrugë, vetëm 4 kilometra më pas do të hasni fshatin Zogaj, shumë i ngjashëm me Shirokën. Edhe këtu nuk mungojnë lokalet e mira ku mund të shijoni kryesisht gjellët tradicionale me bazë peshqit e liqenit. Të dy fshatrat janë fshatra peshkatarësh.